Sinopsis

A kullum mukan gayyaci masana a fannoni daban daban domin tattauna wasu muhimman al'amurra da suka shafi kanun labarai a duniya. wani lokacin kuma wasu manyan jami'an gwamnati da masu fada aji sukan kawo muna ziyara domin tattauna batutuwan da suka shafi matsalolin da suka shafe su ko kuma ci gaban kasa.

Episodios

  • Bakonmu a Yau - Kungiyar Alkalan Jamhuriyar Nijar kan binciken almundahana a cinikin makamai

    Bakonmu a Yau - Kungiyar Alkalan Jamhuriyar Nijar kan binciken almundahana a cinikin makamai

    02/03/2020 Duración: 03min

    Kungiyar Alkalai a jamhuriyar Nijar, ta zargi gwamnatin kasar da kokarin yin rufa-rufa a game da sakamakon binciken da ma’aikatar tsaron kasar ta yi, dangane da cinikin makamai da bilyoyin kudade. Kungiyar ta zargi gwamnati da neman yin shishigi a lamurran da suka shafi shari’a, bayan da ta bukaci wadanda aka bai wa kwangila a ma’aikatar tsaron su gaggauta aiwatar da kwangilar ko kuma a gurfanar da su a gaban kotuna. Mai Shari’a Nouhou Aboubacar, shi ne shugaban kungiyar alkalai SAMAN, ya yi man karin bayani a zantawarmu.

  • Bakonmu a Yau - Janar Mohammed Kabir Galadanci kan halin da shaanin tsaro ke ciki a Najeriya

    Bakonmu a Yau - Janar Mohammed Kabir Galadanci kan halin da sha'anin tsaro ke ciki a Najeriya

    27/02/2020 Duración: 03min

    A daidai wani lokaci da sha’anin tsaro ke fuskantar koma baya a wasu sassan Najeriya, rundunar ‘Yan sandan kasar ta bukaci kara mata kayan aiki musamman bindigogi da motocin masu sulke domin magance matsalolin a fadin kasar. Dangane da wannan Garba Aliyu Zaria ya tattauna Janar Mohammed Kabir Galadanci mai murabus.

  • Bakonmu a Yau - Shugaban kungiyar manoma da makiyayan jamhuriyar Nijar kan yarjejeniyar kiwo da Benin

    Bakonmu a Yau - Shugaban kungiyar manoma da makiyayan jamhuriyar Nijar kan yarjejeniyar kiwo da Benin

    26/02/2020 Duración: 03min

    Mahukunta a Jamhuriyar Benin sun bai wa makiyayan jamhuriyar Nijar damar shiga kasar domin kiwo har tsawon watanni biyu a jere, bayan da aka haramta wa makiyaya daga sauran kasashe dama shiga kasar saboda dalilai na tsaro. Jibbo Banya, shi ne shugaban babbar kungiyar da ta hada manoma da makiyaya a jamhuriyar Nijar, kuma wanda ya kasance a cikin tawagar ministan noma Abouba Albade da ta gana da mahukuntan Jamhuriyar Benin a game da wannan batu, ya kuma yiwa Sashin Hausa na RFI karin bayani yayin zantawa da Abdoulkarim Ibrahim Shikal.

  • Bakonmu a Yau - Zantawa da Mr Dan Manjang kwamishinan yada labaran Plateau kan harin da ya kashe Soji 2

    Bakonmu a Yau - Zantawa da Mr Dan Manjang kwamishinan yada labaran Plateau kan harin da ya kashe Soji 2

    19/02/2020 Duración: 03min

    Rahotanni daga Jihar Plateau a Najeriya sun ce wasu 'yan bindiga sun kashe sojoji guda biyu da ke aikin samar da zaman lafiya a karamar hukumar Barikin Ladi, abinda ya sa sojojin suka kaddamar da samame wanda ya kaiga kona gidaje akalla 150. Wannan lamari ya tada hankalin jama’ar Jihar a daidai lokacin da gwamnatin Plateau ke ta fafutukar tabbatar da zaman lafiya a Jihar baki daya. Dangane da wannan lamari, Bashir Ibrahim Idris ya tattauna da kwamishinan yada labaran Jihar Mr Dan Manjang, kuma ga yadda zantawar su ta gudana.

  • Bakonmu a Yau - Sarkin Hausawan Legas kan dokar haramta hayar babura na Okada da Keke Napep

    Bakonmu a Yau - Sarkin Hausawan Legas kan dokar haramta hayar babura na Okada da Keke Napep

    18/02/2020 Duración: 03min

    A Najeriya, yanzu haka mahukunta a jihar Lagos na ci gaba da tsananta aiki da dokar hana yin amfani da babura da kuma adaidaita sahu domin gudanar da sufurin haya, yayin da a hannu daya ake ci gaba da rusa wasu kasuwannin birnin, lamarin da ya jefa dubban mutane mafi yawansu ‘yan asalin arewacin kasar a cikin yanayi na rashin tabbas. Abdoulkarim Ibrahim Shikal ya zanta da Alhaji Aminu Yaro Dogara Sarkin Hausawan Lagos, wanda da farko ya fara yin tsokaci dangane da dokar da ta shafi daidaita sufuri a jihar.

  • Bakonmu a Yau - Alhaji Shehu Ashaka kan wasikar da dattawan arewa suka rubutawa Buhari dangane da tsaro

    Bakonmu a Yau - Alhaji Shehu Ashaka kan wasikar da dattawan arewa suka rubutawa Buhari dangane da tsaro

    17/02/2020 Duración: 03min

    Ganin Yadda matsalar tsaron Najeriya ke ci gaba da ciwa al’ummar kasar tuwo a kwarya, ya sa kungiyar Dattawan Arewacin Najeriya rubutawa shugaban kasa Muhammadu Buhari wasika domin daukar Karin matakai, yayin da fadar shugaban ta mayar da martani. Daya daga cikin dattawan Arewacin kasar Alhaji Shehu Ashaka yace lokaci yayi da za’a kauda banbancin siyasa domin hada kai, abinda zai bada damar shawo kan matsalolin da suka addabi kasar ta Najeriya baki daya. Wakilinmu daga jihar Kano Abubakar Isa Dandago ya tattauna da daya daga cikin dattawan na arewacin Najeriya.

  • Bakonmu a Yau - Ali Kwara Azare kan hare-haren yan bindiga a sassan Najeriya

    Bakonmu a Yau - Ali Kwara Azare kan hare-haren 'yan bindiga a sassan Najeriya

    16/01/2020 Duración: 04min

    A Najeriya hare-haren ‘yan bindigar dake karuwa a sassan Najeriya musamman kan wasu manyan hanyoyi, ciki har da babbar hanya tsakanin Abuja da Kaduna, da kuma Kadunan zuwa Zaria a baya bayan nan, ya sanya masana sha’anin tsaro da sauran jama’a tofa albarkacin baki kan dalilan da suka haifar da matsalolin tsaron, zalika da matakan da ya kamata a dauka don kawo karshen lamarin. Ali Kwara Azare na daga cikin ‘yan Najeriyar da a shekarun baya, yayi suna wajen bada gagarumar gudunmawa wajen yakar miyagun laifukan fashi da makami da na ‘yan bindiga. Bayan kazamin farmakin da aka kaiwa ayarin mai martaba Sarkin Potiskum Alhaji Umaru Bubaram ne kuma Sashin Hausa na RFI ya tattauna da Ali Kwara kan matsalar hare-haren ‘yan bindigar dake kamari a wasu sassan Najeriya.

  • Bakonmu a Yau - Yan kwantenar tashar Apapa na kokawa kan cin hanci a Najeriya

    Bakonmu a Yau - 'Yan kwantenar tashar Apapa na kokawa kan cin hanci a Najeriya

    24/12/2019 Duración: 02min

    A Najeriya, yayin da gwamnatin kasar ke cewa tana yaki da cin hanci da rashawa a kasar, ‘yan kwantena da direbobin dakon kaya na kokawa da yadda lamarin ya yi musu katutu a tashar jiragen ruwan Apapa dake birnin Lagas.‘Yan kwantenar dai sun ce suna kashe akalla kimanin Naira dubu 185 kafin mota daya ya shigar tashar don daukar kaya, matakin da masharhanta ke ganin wata kila ke janyo hauwahawan farashin kayayyaki a kasar. Alhaji Auwalu, wani mai harkokin kwantenar a tashar ta Apapa, a Zantawarsa da Ahmad Abba ya ce, lamarin yafi karfin yadda ake tunani. Ku latsa alamar sauti dake kasa domin sauraro.  

  • Bakonmu a Yau - Dakta Musa Mohammed Maitakobi, shugaban masu motocin sufurin Najeriya kan umurnin shugaban yan sanda

    Bakonmu a Yau - Dakta Musa Mohammed Maitakobi, shugaban masu motocin sufurin Najeriya kan umurnin shugaban 'yan sanda

    23/12/2019 Duración: 03min

    Sufeto-Janar na ‘Yan Sandan Najariya Mohammed Adamu ya gargadi jami’ansa da kada su tirsasawa matafiya a wannan lokaci na bukukuwa kirsimati da sabuwar shekara da ake samun yawaitan matafiya a kan hanyoyin kasar.A cewar Sufeto-Janar din za’a rika sa idanu sosai da hukunta ‘yan sanda dake karban rashawa a kan hanyoyin kasar. Kan haka Garba Aliyu Zaria ya tattauna da Dakta Musa Mohammed Maitakobi, shugaban masu motocin sufuri na kasar kan yadda suke ganin wannan sanarwa.  

  • Bakonmu a Yau - Farfesa Muntaka Usman game da umarnin Kotu na daina biyan tsaffin Gwamnoni Fansho

    Bakonmu a Yau - Farfesa Muntaka Usman game da umarnin Kotu na daina biyan tsaffin Gwamnoni Fansho

    04/12/2019 Duración: 03min

    Wata Kotun Tarayya da ke Lagos a Najeriya ta zartas da hukuncin cewa Gwamnatin kasar ta kwato kudaden Fansho da ake baiwa tsaffin Gwamnoni da a yanzu su ke rike da mukamin Ministoci ko kuma wakilai a majalisar kasa. Kazalika Kotun ta umarci Ministan shari'a da ya kalubalanci dalilin da ya sa Gwamnatocin jihohi ke baiwa tsoffin Gwamnoninsu makudan kudade da sunan Fansho. Wannan na biyo bayan takaddamar da aka samu Zamfara inda Gwamnatin yanzu ke biyan kudaden da suka kai Naira Miliyan 700 a shekara ga tsoffin Gwamnonin jihar. Garba Aliyu Zaria ya tuntubi Farfesa Muntaka Usman na Jamiar Ahmadu Bello dake Zaria don jin yadda suke kallon lamarin.

  • Bakonmu a Yau - Mahammadou Salissou Habi kan rufe iyakokin Najeriya

    Bakonmu a Yau - Mahammadou Salissou Habi kan rufe iyakokin Najeriya

    26/11/2019 Duración: 03min

    Gwamnatin Najeriya ta ce har yanzu Jamhuriyar Benin da kuma jamhuriyar Nijar ba su cika sharuddan da kasar ta gindaya musu kafin bude iyakarta da wadannan kasashe ba. Ministan Yada Labaran Najeriya Lai Mohammed, ya ce ko a cikin makonni biyun da suka gabata, jami’an tsaron kasar sun kama haramtattun kayayyakin da aka kiyasta cewa kimarsu ta kai Naira bilyan 35 a kan wadannan iyakoki. To sai dai Ministan Yada Labaran Jamhuriyar Nijar Mahammadou Salissou Habi ya ce gaskiya kasar ta damu da matakin ci gaba da rufe iyakar da Najeriya ta dauka.

  • Bakonmu a Yau - Alhaji Abubakar Mairamri tsohon Kwamishinan yan sanda kan umurnin Muhammadu Buhari na kawo karshen matsalolin tsaro a Najeriya

    Bakonmu a Yau - Alhaji Abubakar Mairamri tsohon Kwamishinan 'yan sanda kan umurnin Muhammadu Buhari na kawo karshen matsalolin tsaro a Najeriya

    22/11/2019 Duración: 03min

    A karon farko Shugaban Najeriya Muhammadu Buhari a fusace ya bukaci jami'an tsaron kasar da kada su kuskura su sassautawa masu garkuwa da mutane da ‘yan ta'adda da suka buwayi sassan kasar yanzu haka. Buhari ya bayyana hakan ne cikin wata sanarwa da mataimakinsa na musamman kan harkokin yada labarai Malam Garba Shehu ya fitar,yana mai cewa babu yadda zai bar ‘yan ta’adda da masu garkuwa da mutane na yadda suka ga dama a kasar. Dangane da wannan batu, Garba Aliyu Zaria ya tuntubi Alhaji Abubakar Mairamri tsohon Kwamishinan ‘yan Sanda a Najeriya.  

  • Bakonmu a Yau - An bude taron kasa da kasa kan tsaron Afrika a Dubai

    Bakonmu a Yau - An bude taron kasa da kasa kan tsaron Afrika a Dubai

    07/11/2019 Duración: 03min

    An bude taron kasa-da-kasa na kwanaki biyu kan inganta harkokin tsaron nahiyar Afirka a birnin Dubai na Hadeddiyar Daular Larabawa. Taron karo na 16 wadda kungiyar dake sa’ido kan rikice-rikicen Afirka wato Africa Security Watch ke shirya wa, kan gayyato jami’an gwamnati da shugabannin tsaron kasashe, da masana harkokin tsaro daga kasashe daban – daban, domin Nazari kan matsalolin tsaro da nahiyar ke fuskanta domin magance su. Kazalika Taron na zakulo wadanda sukayi fice wajen bada gudunmuwa kan harkokin tsaron kasashensu daga jami’an tsaro da fararen hula don basu kyaututtuka da lambobin yabo. Dangane da wannan taro Ahmad Abba ya tattauna da Birgediya Janar Sani Usman Kukasheka wanda ke daya daga cikin masu halartan wannan taron, ga kuma yadda zantawarsu ta kasance.

  • Bakonmu a Yau - Injiniya Kailani Muhammad kan dokar sauya hulda tsakanin Najeriya da kamfanonin mai

    Bakonmu a Yau - Injiniya Kailani Muhammad kan dokar sauya hulda tsakanin Najeriya da kamfanonin mai

    05/11/2019 Duración: 03min

    Shugaban Najeriya, Muhammadu Buhari ya sanya hannu kudirin dokar aiwatar da sauye – sauye kan yarjeniyoyi da kasar ta kulla da manyan kamfanonin mai na kasashen waje da ke aiki a kasar, da zummar habaka kudin shiga da take samu daga danyen mai. Sai dai ba a bayyana lokacin da dokar za ta fara aiki ba, yayin da ake hasashen kamfanonin da abin ya shafa ba za su ji dadin wannan al’amarin ba. Kan haka ne Michael Kuduson ya tattauna da Injiya Kailani Mohammed, masani a harkokin da suka shafi man fetur.

  • Bakonmu a Yau - kassoum Abdourahman mai sharhi kan alamuran yau da kullum, kan yawaitan hare-hare a yankin Sahel

    Bakonmu a Yau - kassoum Abdourahman mai sharhi kan al'amuran yau da kullum, kan yawaitan hare-hare a yankin Sahel

    04/11/2019 Duración: 03min

    An ayyana zaman makoki na tsawon kwanaki uku, daga Litinin din nan a kasar Mali, don nuna juyayin kisan da ‘yan ta’adda suka yi wa sojojin kasar 50 a karshen makon da ya gabata.Kafin wannan hari na kasar Mali, an samu faruwar makamancinsa a jamhuriyar Nijar, inda suka aka hallaka sojojin kasar 12, lamarin da ya sa ake diga ayar tambaya dangane da amfani ko rashin amfanin dubban dakarun kasashen Yammacin Dunia cikin wadannan kasashe na yankin Sahel. Dangane da wannan batu, Abdoulkarim Ibrahim Shikal ya zanta da Alkassoum Abdourahman mai sharhi kan lamurran yau da kullum, ga kuma zantawarsu.

  • Bakonmu a Yau - Abubuwan da jaridar Aminiya ta wannan mako ta kunsa

    Bakonmu a Yau - Abubuwan da jaridar Aminiya ta wannan mako ta kunsa

    01/11/2019 Duración: 02min

    Ahmed Abba ya tattauna da editan jaridar Aminiya kan abubuwan da ta kunsa a wannan makon. a yi sauraro lafiya.

  • Bakonmu a Yau - Kasashen Yammacin Afirka sun daura damara don tunkarar matsalolin sauyin yanayi

    Bakonmu a Yau - Kasashen Yammacin Afirka sun daura damara don tunkarar matsalolin sauyin yanayi

    30/10/2019 Duración: 03min

    A kokarinsu na yaki da matsalolin da dumamar yanayi ke haddasawa, yanzu haka wasu kasashe 11 na yankin Yammacin Afirka, sun kafa wata kungiya mai suna Wascal wadda tuni ta fara gudanar da ayyukanta.   Kungiyar dai na karkashin jagorancin ministan ilimi mai zurfi na Jamhuriyar Nijar ne wato Yahouza Sadissou Madobi, kuma a ziyarar da ya kai a Tarayyar Najeriya domin ganawa da mahunkutan kasar kanyadda za a karfafa ayyukan kungiyar, ministan ya bayyana wasu daga cikin manufofin kungiyar.

  • Bakonmu a Yau - Farfesa Sadik Alkafwee kan murabus din Fira Ministan kasar Lebanon Saad Hariri

    Bakonmu a Yau - Farfesa Sadik Alkafwee kan murabus din Fira Ministan kasar Lebanon Sa'ad Hariri

    30/10/2019 Duración: 03min

    Masana sha'anin siyasa a sassan duniya na ci gaba da yin tsokaci kan matakin Fira Ministan kasar Lebanon Sa'ad Hariri na yin murabus sakamakon matsalin lambar da ya fuskanta daga dubban 'yan kasar da suka shafe makwanni 2 suna zanga-zangar kin jinin gwamnatinsa. Zanga-zangar dai ta biyo bayan zargin gwamnatin ta Lebanon da gazawa wajen inganta tattalin arzikin kasar. Dangane da makomar siyasar kasar ta Lebanon, Garba Aliyu Zaria ya tattauna da Farfesa Sadik Alkafwee.

  • Bakonmu a Yau - Malam Garba Shehu mai magana da yawun Najeriya kan yarjeniyoyin da Kasashen Afrika suka kulla da Rasha

    Bakonmu a Yau - Malam Garba Shehu mai magana da yawun Najeriya kan yarjeniyoyin da Kasashen Afrika suka kulla da Rasha

    24/10/2019 Duración: 03min

    A yau ne ake karkare taron koli tsakanin Rasha da shugabannin kasashen Africa 54 da ake yi a birnin Sochi na kasar. Wannan taro ya bada dama ga shugabannin kulla yarjeniyoyi da Rasha ta fannin tsaro, makamashi da sufuri. Garba Aliyu Zaria ya nemi ji daga Malam Garba Shehu mai Magana da yawun shugaban Nigeria ko wasu irin riba Nigeria za ta samu daga wannan taro.

  • Bakonmu a Yau - Alhaji Muhammad Garba kan taron kungiyar shugabannin gidajen radio da talabijin ta Najeriya

    Bakonmu a Yau - Alhaji Muhammad Garba kan taron kungiyar shugabannin gidajen radio da talabijin ta Najeriya

    23/10/2019 Duración: 09min

    A Nigeria, an kammala wani taro na yini biyu a Lagos na shugabannin gidajen Radiyo da na Talabijin da ke fadin kasar da zimmar duba matsalolin da ke addabarsu da lalubo hanyoyin warware su, da kuma zaben sabbin shugabannin kungiyar. Ahmed Abba ya sami halartan zauren taron inda ya tattauna da Alhaji Mohammed Garba tsohon Kwamishinan watsa Labarai wanda kuma tsohon Shugaban Kungiyar ‘Yan Jaridu na Africa da na Nigeria ne muhimmancin wannan taro yanzu.

página 1 de 5

Informações: