Sbs Tamil - Sbs

உலகிலுள்ள சுமார் 140 கோடி கத்தோலிக்க கிறிஸ்தவ மக்களின் உயர்தலைவரான போப் பிரான்சிஸ் அவர்கள் திங்கள் (21 ஏப்ரல்) காலமானார். அவருக்கு வயது 88. முற்போக்கு சிந்தனை, உலக அமைதிக்கான முயற்சி, காலநிலை மாற்றம் தொடர்பான கருத்துக்கள் என்று போப் பிரான்சிஸ் மேற்கொண்ட முன்னெடுப்புகள், அவரை கிறிஸ்தவ சமயத்தையும் தாண்டி உலகின் பெரும் தலைவராக உருவாக்கியது. அவர் கத்தோலிக்க சமயத்தை எப்படி மறுமலர்ச்சிக்கும், சீர்திருத்ததிற்க்கும் வழி நடத்தினார், உலக அரங்கில் அவர் முன்னெடுத்த முயற்சிகள் என்ன, அடுத்த போப் எப்படி தெரிவு செய்யப்படுவார் என்று விளக்குகிறார் கத்தோலிக்க சமயத்தின் இறையியல் துறை அறிஞரும், போப் பிரான்சிஸ் குறித்த புத்தகங்களை எழுதியவருமான அருட்திரு.வெ.மரிய அல்போன்ஸ் அவர்கள்.